Forsíða

Frétt

27.01.2012 23:01 | Sf. Gutt

Þið getið hjálpað okkur!

Kenny Dalglish veit allt um þann mikla stuðning sem stuðningsmenn Liverpool geta veitt liðinu sínu. Liverpool fékk magnaðan stuðning við að komast í úrslit Deildarbikarsins. Hann segir stuðningsmennina geta lagt mikið af mörkum á morgun þegar Liverpool mætir Manchester United í 4. umferð F.A. bikarkeppninnar.

,,Allir þeir sem bera tilfinningar í garð Liverpool Football Club stóðu sig frábærlega á miðvikudagskvöldið. Stuðningsmennirnir voru stórkostlegir. Þeir héldu leikmönnunum gangandi og öfugt. Hvorir um sig hjálpuðu hinum."
 
,,Ef litið er á báða leikina þá vorum við án vafa betra liðið og verðskulduðum að fara áfram. Við þurfum að sýna það sama innan vallar sem utan á laugardaginn. Ef við spilum eins og þá og fáum jafn mikinn stuðning eigum við betri möguleika á að komast áfram í F.A. bikarnum."

Það verða örugglega allir á Anfield Road, innan vallar sem utan, tilbúnir í verkefnið í hádeginu á morgun þegar leikurinn hefst. Með samstilltu átaki ætti Liverpool að geta haft betur.

,,Það mikilvægasta fyrir okkur er að liðið sýni samstöðu. Það er alltaf einhver sem er meira í sviðsljósinu en annar en við þurfum ekki að hlaupa á eftir því. Við þurfum bara að einbeita okkur að okkar leik og vera staðfastir í að ná velgengni."
 
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin