Forsíða

Frétt

24.01.2012 22:01 | Sf. Gutt

Allt undir á Anfield Road!

Það verður allt undir á Anfield Road annað kvöld þegar Liverpool mætir Manchester City upp á sæti á Wembley í úrslitaleik Deildarbikarsins.
 
Liverpool vann 0:1 í Manchester með vítaspyrnumarki Steven Gerrard og því dugar jafntefli til að komast í úrslitaleikinn á Wembley. Vinni Manchester City með sama mun þarf að framlengja og vítaspyrnukeppni tekur við ef leikar eru jafnir.

Aðrar reglur gilda með útimörk en í flestum öðrum keppnum. Þau gilda aðeins eftir framlengingu. Sem dæmi þyrfti að framlengja ef City ynni 1:2 í venjulegum leiktíma. Ef ekkert yrði skorað í framlengingu væri staðan 2:2 samtals og Liverpool færi þá áfram. 

En sama er hvað verður það verður leikið til þrautar á Anfield annað kvöld. Ekki þarf að efa að stemmningin verður rafmögnuð enda allt undir!

Mótherjinn á Wembley liggur fyrir en Cardiff City tryggði sér sæti í úrslitaleiknum í kvöld. Liðið vann þá Crystal Palace 1:0 í Cardiff eftir framlengdan leik. Vítspyrnukeppni þurfti til því fyrri leik liðanna lauk 1:0 fyrir Palace. Cardiff vann hana 3:1 og komst þar með í úrslitaleikinn.

  
Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin