Fjórir í lið vikunnar

Garth Crooks, einn sparkspekinga BBC, velur jafnan Lið vikunnar. Að þessu sinni voru fjórir leikmenn Liverpool í liðinu. Þetta voru þeir Daniel Agger, Glen Johnson, Charlie Adam og Luis Suarez sem allir þóttu leika nógu vel í sigrinum gegn Queens Park Rangers til að komast í Lið vikunnar.

Kannski kemur það einhverjum spánskt fyrir sjónir að sjá Daniel Agger í liðinu því ekki reyndi nú mikið á hann í vörn Liverpool í leiknum og ekki var nú Glen Johnson mjög áberandi. En þeir Luis Suarez og Charlie Adam áttu báðir stórleik. Charlie var til dæmis valinn Maður leiksins á Liverpool.is. En sama er það er alltaf gaman að sjá leikmenn Liverpool fá hrós.

Hér má skoða Lið vikunnar og lesa umsagnir um þá sem valdir voru í liðið.