Jamie að lagast

Jamie Carragher fór meiddur af velli í Deildarbikarleiknum gegn Stoke. Hann er núna að skríða saman og vonast til að geta farið að æfa fljótlega. Hann hafði meðal annars þetta að segja í viðtali við Liverpoolfc.tv í dag.

,,Mér fer vel fram. Ég hef verið að vinna með sjúkraþjálfurunum í vikunni og ef allt haldur áfram á réttri braut ætti ég að geta farið að æfa á fullu í byrjun næstu viku. Vonandi get ég verið tiltækur fyrir leikinn á móti Chelsea en ég er svo sem ekki farinn að hugsa um neina leiki núna. Takmarkið er núna að geta farið að æfa með strákunum og það ætti að vera hægt snemma í næstu viku."

Jamie er sem sagt að lagast og það verður gott að fá hann í gang á nýjan leik. Liverpool hefur þó haldið hreinu tvo leiki í röð frá því hann meiddist.