Robbie orðinn stjóri

Robbie Fowler er nú orðinn framkvæmdastjóri í Tælandi. Hann fór þangað sem leikmaður en nú stjórnar hann liðinu sem hann gekk til liðs við.
 
Liðið sem hann leikur með og stjórnar nú líka heitir Muang Thong United. Næst á undan Tælandi hafði Robbie spilað um tíma í Ástralíu. Þegar hann hætti þar var reiknað með að hann myndi flytja heim til Englands og fara að vinna við þjálfun en hann hefur verið að mennta sig í þjálfunarfræðum. Hann lét þó slag standa þegar tilboð kom frá Tælandi.

Robbie hefur sagt að hann hafi hug á að starfa sem þjálfari á næstu árum og þarna er hann búinn að taka óvænt skref í þá átt. En hann hyggst leika knattspyrnu eins lengi og hann getur því ekkert veit hann skemmtilegra.