Lán á Jonjo staðfest

Lán á Jonjo Shelvey hefur verið staðfest á Liverpoolfc.tv. Hann verður lánaður til Blackpool og gildir lánið til áramóta. Blackpool féll úr Úrvalsdeildinni í vor og hefur auðvitað hug á að komast upp aftur. Það verður áhugavert að sjá hvernig Jonjo gengur með Strandamönnum.

Jonjo kom til Liverpool í maí á síðasta ári frá Charlton Athletic. Hann er búinn að spila 22 leiki með aðalliði Liverpool og komu þeir allir nema einn á síðustu leiktíð. Jonjo þykir með efnilegustu miðjumönnum Englands og var núna í vikunni valinn í undir 21. árs landsliðið. Jordan Henderson og Martin Kelly voru líka valdir.