Verður Jonjo lánaður?

Sky Sports telur sig hafa heimildir fyrir því að miðjumaðurinn ungi Jonjo Shelvey verði bráðlega lánaður frá Liverpool. Áfangastaður á, samkvæmt fréttinni, að vera Blackpool.

Jonjo hefur aðeins leikið einn leik með Liverpool það sem af er leiktíðar en hann kom inn á sem varamaður í Deildarbikarleiknum gegn Exeter. Fari Jonjo til Blackpool þá þarf það ekki að koma á óvart því hann var orðaður við það sama lið í sumar. 

Tveir leikmenn, Thomas Ince og Gerardo Bruna, fóru frá Liverpool til Blackpool á liðnu sumri og kannski verður Jonjo með þeim í liði áður en langt um líður.