Henderson á skotskónum fyrir Englendinga

Jordan Henderson skoraði glæsilegt mark fyrir enska U-21 árs landsliðið í 6-0 sigri á Azerbaijan á fimmtudagskvöldið.

Henderson átti góðan leik á miðjunni fyrir Englendinga og það sama má segja um John Flanagan sem einnig spilaði allan leikinn en hann var að spila í fyrsta sinn með U-21 árs liðinu.

Andre Wisdom og Jonjo Shelvey voru á varamannabekknum og kom Shelvey inná á 79. mínútu og stóð sig vel.

Eins og áður sagði vann England leikinn 6-0 og voru aðrir markaskorar þeir Henri Lansbury (2 mörk), Craig Dawson (2 mörk) og Martyn Waghorn.