Suarez segir að Coates sé búinn að skrifa undir

Luis Suarez var rétt í þessu að skrifa á Twitter að landi hans, Sebastian Coates, væri búinn að skrifa undir samning við Liverpool.

,,Ég vil bjóða Coates velkominn. Félaga í landsliði Uruguay, vin minn og frábæran leikmann sem var að skrifa undir samning við Liverpool", segir Suarez á Twitter.

Nacional, fyrrum félag Coates í Uruguay, hefur staðfest við Associated Press að Liverpool hafi greitt nálægt 7 milljónum punda fyrir leikmanninn.

Félagaskiptin hafa legið í loftinu um nokkurra daga skeið, eins og lesendur síðunnar vita mæta vel.

Coates kom til Liverpool fyrir helgi og undirgekkst lækninsskoðun. Hann var síðan meðal áhorfenda á leik Liverpool og Bolton um helgina og ef eitthvað er að marka orð landa hans þá hefur hann skrifað undir samning við Liverpool í dag.

Við vonum auðvitað að það sé rétt.