Ykkar skoðun

Um síðustu helgi fóru í gang sögusagnir um að Fernando Torres vildi fara frá Liverpool. Það reyndust meira en sögusagnir þegar upp var staðið. Á meðan allt var í óvissu spurðum við hvort Liverpool ætti að selja Fernando Torres núna? Niðurstaðan var sú að meirihluti ykkar, lesenda Liverpool.is, taldi að rétt væri að selja Fernando strax. Munurinn var nú ekki svona mikill til að byrja með en þeim fjölgaði jafnt og þétt sem vildu selja heimsmeistarann. 


 

Já! 57%
Nei! 34%
Ég er ekki viss. 9%

Greidd og gild atkvæði voru 1369.



Eftir að salan, á Fernando til Chelsea, gekk í gegn könnuðum við hug ykkar til þess að heimsmeistarinn væri farinn frá okkur. Flestum þótti niðurstaðan góð á þeim forsendum að best sé að þeir sem vilji ekki leika með Liverpool fari á braut. All nokkrum fannst að Fernando Torres hefði svikið Liverpool en aðrir tóku brottförinni sem hluta af nútíma knattspyrnu. Svo eru þeir til sem sjá eftir ,,Drengnum". Sem sagt all skiptar skoðanir!



Fari þeir sem fara vilja! 51%
Svik við félagið! 19%
Svona er knattspyrnan. 17%
Slæmt að missa hann! 12%
Ég veit það ekki. 1%

Greidd og gild atkvæði voru 974.