Frítt inn á Anfield!

Eigendur Liverpool færa ungum stuðningsmönnum Liverpool sannkallaðan jólaglaðning í kvöld. Glaðningurinn felst í því að það er frítt inn á Evrópuleikinn við Utrecht fyrir börn og unglinga séu þeir í fylgd með fullorðnum. Miðaverð fyrir fullorðna hefur líka verið lækkað þó nokkuð.
 
Búist er við mikilli aðsókn í kvöld en það hefur ekki verið uppselt á Evrópuleikina það sem af er leiktíðar. Liverpool hefur nú þegar tryggt sér sigur í riðlinum og því hefði aðsóknin í kvöld kannski ekki verið mikil en með þessu móti verður annað upp á teningnum. 

Eigendur Liverpool vilja með þessum jólaglaðningi gleðja stuðningsmenn sína og gefa mörgum þeirra, sem alla jafna eiga ekki kost á miðlum á Anfield, tækifæri til að horfa á hetjurnar sína. Segja má að þetta sé mikilvægur þáttur í uppeldi ungra stuðningsmanna Liverpool sem vonandi eiga, á komandi árum, eftir að fylgja liðinu okkar. Það þarf jú að æfa sig í því eins og öðru.