Breytingar á leikjum

Vegna leikja Liverpool í Evrópudeildinni verða nokkrir deildarleikir færðir til.

Fyrst ber að nefna leik við Blackpool sem var dagsettur laugardaginn 2. október en hefur nú verið færður til sunnudagsins 3. október og verður flautað til leiks kl. 14:00 að íslenskum tíma.

Laugardaginn 23. október var heimaleikur skráður við Blackburn Rovers og hefur sá leikur einnig verður færður aftur um einn sólarhring og hefst hann kl. 15:00 á sunnudeginum 24.

Síðasti leikurinn sem er nefndur í þessari lotu er leikur við Aston Villa á Anfield sem á að fara fram þann 4. desember.  Ekki er búið að fastsetja nýjan leiktíma vegna þess að sjónvarpsrétthafar hafa ekki ákveðið hvernig þeir haga sínum málum þessa helgi.  Ný dagsetning ætti að vera ljós í lok september eða byrjun október.  Lang líklegast er þó auðvitað að leikurinn fari fram á sunnudeginum 5. en óljóst er með leiktíma.