Forsíða

Frétt

28.08.2010 19:08 | Sf. Gutt

Þægilegur dráttur í Deildarbikarnum

Dregið hefur verið til 3. umferðar Deildarbikarsins. Segja má að Liverpool hafi fengið þægilegan drátt því mótherjinn reyndist vera Northampton Town og mætast liðin á Anfield Road. Leikurinn fer fram undir lok september en ekki er búið að dagsetja hann. 

Northampton leikur í fjórðu deild ef atvinnumannadeildirnar fjórar eru taldar. Drátturinn er því hagstæður fyrir Liverpool ef mið er tekið af því í hvað deild Northampton er.

Liverpool hefur á hinn bóginn alltof oft lent í því á seinni árum að falla úr leik, í ensku bikarkeppnunum, fyrir liðum úr neðri deildum. Er skemmst að minnast skammarlegs brottfalls úr F.A. bikarnum gegn Reading á síðustu leiktíð. Nú væri gaman, til tilbreytingar, að gera ekki svoleiðis skyssu.

Í þessari keppni er líka leið á Wembley og sannarlega tími til kominn fyrir Liverpool að komast á þann ágæta leikvang á nýjan leik. Rauði herinn hefur aldri komist á nýja Wembely og það er ekki boðlegt til lengri tíma litið!











Til baka

Fréttir

Samstarfsaðilar

  • Úrilla górillan
  • Jói Útherji knattspyrnuverslun
  • VITA
  • Advania
  • Ölgerðin