Liverpool með boð í Brad Jones

Sky Sports greinir frá því í dag að Liverpool hafi lagt fram tilboð í Ástralska landsliðsmarkvörðinn Brad Jones hjá Middlesborough.

Samkvæmt frétt Sky Sports mun Roy Hodgson vera á höttunum eftir betri varamarkverði fyrir Pepe Reina og hinn 28 ára gamli Brad Jones, sem leikur með Middlesborough ku vera efstur á óskalista Hodgsons í þeim efnum. Samkvæmt reglum Úrvalsdeildarinnar er Jones skilgreindur sem heimamaður og það dregur ábyggilega ekki úr áhuga Hodgsons.

Brad Jones er landsliðsmarkvörður Ástrala, en missti af HM í sumar þar sem sonur hans greindist með hvítblæði. Jones er nú kominn til æfinga með Boro á ný og hefur tekið fullan þátt í undirbúningstímabilinu með félaginu. Hann mun hinsvegar missa af fyrstu leikjum tímabilsins þar sem hann tekur út leikbann.