Jamie gerir innkaup

Jamie Carragher hefur gert innkaup í Suður Afríku. Börn hans báðu hann um að kaupa nokkuð sem þau ágirntust all mjög.

Jamie var, á blaðamannafundi á dögunum, spurður út í hina umdeildu lúðra, svonefnda "vuvuzelas",  sem yfirgnæfa allt og alla á leikvöngum Suður Afríku. Jamie sagðist svo sem ekki hafa tekið mikið eftir þeim en hann væri búinn að kaupa tvo lúða. Ástæðan væri sú að börn hans hefðu haft samband við hann og beðið hann að kaupa lúðra! Það er vonandi að lúðrarnir verði ekki áberandi á Anfield á komandi leiktíð. 

Jamie Carragher er búinn að taka þátt í báðum leikjum Englendinga á HM hingað til. Hann mun þó ekki spila leikinn mikilvæga gegn Slóvakíu í dag þar sem hann er í leikbanni eftir að hafa fengið gul spjöld í leikjunum tveimur. Jamie hefur annars staðið sig vel í þessum leikjum. 

Englendingar verða að vinna sigur í dag, þegar þeir mæta Slóvenum, ef þeir eiga að vera öruggir með að komast upp úr riðli sínum.