Fernando verður áfram hjá Liverpool!

Mikið hefur verið fjallað um það síðustu vikurnar að hin og þessi félög vilji ná Fernando Torres til sín frá Liverpool. Chelsea og Manchester City hafa meðal annars verið nefnd í því sambandi og talið að risatilboðum eigi eftir að rigna inn til forráðamanna Liverpool þegar líður á sumarið.

Umboðsmaður Fernando Torres, Jose Antonio Peton, segir skjólstæðing sinn ekkert vera á förum. Hann hafði þetta að segja í viðtali við spænsku útvarpsstöðina Punto. 

,,Ég get fullvissað stuðningsmennina núna um það að Fernando verður áfram hjá Liverpool á næsta keppnistímabili. Allt er undir Liverpool komið og sem stendur þá er Fernando ánægður hjá félaginu og hann er með góðan samning þar. Forráðmenn Liverpool hafa ekkert rætt framtíð hans við okkur og hann er núna að einbeita sér að Heimsmeistarakeppninni."

Þetta eru auðvitað mjög góðar fréttir en hvað skyldi ,,Allt er undir Liverpool komið..." þýða?