Mark spáir í spilin

Nú styttist í endalok ensku Úrvalsdeildarinnar og Liverpool leika sinn þriðja síðasta leik í deildinni.  Að þessu sinni er leikið við Burnley sem eru svo gott sem fallnir úr Úrvalsdeildinni en aðeins kraftaverk getur bjargað liðinu.

Leikmenn Liverpool gátu leyft sér að setjast upp í flugvél eftir leikinn við Atletico Madrid en eftir erfitt ferðalag til Spánar tapaði liðið 1-0.  Ágætis möguleikar eru á því að liðið komist í úrslitaleikinn en seinni leikurinn fer fram á Anfield nú á fimmtudaginn næsta.

Eftir úrslit helgarinnar til þessa má segja að möguleikinn á fjórða sætinu sé enn til staðar en liðið þarf þó að vinna þá leiki sem eftir eru.

- Burnley sitja í næst neðsta sæti deildarinnar með 27 stig eftir 34 leiki.

- Liverpool sitja í því sjöunda með 59 stig eftir 35 leiki.

- Burnley hafa skipt um framkvæmdarstjóra á tímabilinu en það var þó ekki gert vegna slælegs gengis en Owen Coyle, stjóri þeirra fór til Bolton þegar liðið rak Gary Megson.

- Yossi Benayoun skoraði þrennu í leik liðanna fyrr á tímabilinu, sem endaði með 4-0 sigri Liverpool.  Dirk Kuyt skoraði annað mark leiksins.

- Þeir kumpánar, Kuyt og Benayoun hafa skorað saman 15 mörk í deildinni á tímabilinu, Kuyt 9 mörk og Benayoun 6.