Kristján Gauti skoraði aftur

Kristján Gauti Emilsson fer heldur betur vel af stað með U-18 ára liði Liverpool.  Hann skoraði eina mark leiksins í sínum fyrsta leik gegn Manchester United á dögunum og nú skoraði hann gegn hinu liðinu í Manchester í 2-1 sigri.

Kristján Gauti kom inná sem varamaður í leiknum og má með sanni segja að innkomur hans hafa verið gulls ígildi fyrir unglingaliðið, Stephen Sama skoraði hitt mark liðsins.  Náði U-18 ára liðið sér þar með á strik eftir tapið gegn Watford í bikarkeppninni.

Í september mættust liðin í Kirkby og þá lauk leiknum með 6-2 sigri Manchester City, sigurinn í dag hlýtur því að teljast vera nokkuð góður.

Lið Liverpool var þannig skipað:  Chris Oldfield, John Flanagan, Jack Robinson, Andre Wisdom, Stephen Sama, Conor Coady, Michael Ngoo, Michael Roberts, Lauri Dalla Valle, Krisztian Adorjan, Tom Ince.  Varamenn:  Kristjan Gauti Emilsson, Craig Roddan, Alex Cooper, Matty McGiveron.

Það er vonandi að þessi sigur Liverpool sé forsmekkur fyrir stórleik þessara sömu liða í Manchester á morgun. Ungliðarnir hafa að minnsta kosti gefið tóninn.