Kemur Kenwyne Jones?

Enn er rætt um að Liverpool hafi áhuga á að fá Kenwyne Jones sóknarmann Sunderland. Í flestum fjölmiðlum hefur verið talið að forráðamenn Liverpool og Sunderland hafi átt viðræður um lánssamning.

Á vefsíðu BBC, nú fyrr í vikunni, er sagt að Liverpool vilji fá sóknarmanninn að láni en Sunderland á að vilja selja hann og ekki seinna en í sumar. Nokkur önnur félög eiga að hafa áhuga á Kenwyne sem hefur skorað sex mörk á keppnistímabilinu.

Á tímabili var rætt um skipti á Kenwyne og Ryan Babel en sá möguleiki mun ekki vera inni í myndinni. Steve Bruce, framkvæmdastjóri Sunderland, hefur sagt að hann vilji ekki láta Kenwyne fara. Það er ekki gott að segja hvað úr verður en eitthvað virðist enn vera í gangi með þetta mál.