Mark spáir í spilin

Áramótin eru að baki og þá hefst baráttan um F.A. bikarinn. Liverpool vann þá keppni síðast árið 2006 en siðan hefur ekkert gengið hjá liðinu í þeirri keppni. Liverpool hefur komist stutt áfram í keppninni og það er snnarlega tími til kominn að breyting verði á slöku gengi liðsins í þessari keppni.
 
Síðasti titill Liverpool vannst á því Herrans ári 2006 þegar liðið vann Samfélagsskjöldinn eftir sigur í F.A. bikarnum fyrr á því sama ári. Liverpool á litla möguleika á Englandsmeistaratitlinum á þessu keppnistímabili og ekki munu Evrópubikarinn eða Deildarbikarinn koma til Liverpool borgar í vor. F.A. bikarinn og Evrópudeildarbikarinn eru möguleikar og krafan er einföld nú í upphafi árs. Rafael Benítez verður að koma titili í hús í vor!


- Liverpool hefur unnið F.A. bikarinn sjö sinnum.

- Síðasti sigur liðsins í keppninni var árið 2006. Í kjölfarið vannst Skjöldurinn um sumarið en það er síðasti titillinn sem Liverpool hefur unnið.

- Í liðshóp Liverpool eru aðeins þrír leikmenn sem unnu bikarinn 2006.

- Þetta eru þeir Jose Reina, Jamie Carragher og Steven Gerrard.

- Þeir Jamie og Steven urðu líka bikarmeistarar árið 2001.

- Liverpool hefur aldrei áður mætt Reading í F.A. bikarnum. Reyndar hafa liðin aðeins mæst sex sinnum í sögunni.


Það hefur verið mikið fjallað um vandræðaganginn á Liverpool en það ætti að vera komið sjálfstraust í liðið eftir tvo sigra í röð um jólin. Liðið var ekki sannfærandi í leikjunum en sigrarnir voru fyrir öllu. Sigurmarkið gegn Aston Villa á þriðjudaginn, sem kom í meiðslatíma, hlýtur að hafa hresst menn heldur betur við.

Ef þessi leikur hefði farið fram fyrir mánuði þá hefði maður veðjað á að Reading gæti náð hagstæðum úrslitum. En Brendan Rodgers, stjórinn þeirra, er farinn og liðið á í miklum erfiðleikum. Það er einfaldlega ekki nógu gott að hafa aðeins unnið einn heimasigur á allri leiktíðinni og ég á ekki von á að liðið breyti þeirri tölfræði í þessum síðdegis leik. 

Úrskurður:  Reading v Liverpool 0:2.