Kristján Gauti skrifar undir

Kristján Gauti Emilsson skrifaði í dag undir samning við Liverpool FC og mun hann ganga til liðs við Akademíu félagsins í janúarmánuði.

Kristján Gauti kemur frá FH og spilaði hann m.a. með liðinu í Úrvalsdeildinni í sumar, aðeins 16 ára að aldri.

Á opinberri heimasíðu félagsins er vitnað í umsögn Heimis Guðjónssonar um piltinn:  ,,Kristján er mjög efnilegur leikmaður og þroskaður miðað við aldur.  Ég tók hann inní hópinn síðasta vetur og það er ekki oft sem maður sér svona ungan leikmann jafn góðan og hann er."

,,Ég hef trú á því að hann muni standa sig.  Hann fær góða hjálp frá foreldrum sínum og hefur núna þrjú ár til að sýna sig og sanna.  Ég er viss um að hann uppfyllir allar þær kröfur sem þarf til að spila fyrir Liverpool."