Liverpool Open 2009 fór fram í gær

Liverpool Open golfmótið hefur legið niðri í nokkur ár.  Stjórn klúbbsins ákvað í vor að reyna að setja slík mót á aftur og því var ákveðið að byrja smátt og athuga hvernig viðbrögðin yrðu.  Þau urðu vægast sagt góð og fylltist strax í mótið.  Liverpoolklúbburinn fór í samstarf með golfklúbbnum Oddi með framkvæmd mótsins og var ákveðið að halda það á Setbergsvelli.  Það var flott að horfa yfir völlinn í góðu veðri og sjá rauðar treyjur út um allt, en 46 manns tóku þátt í mótinu að þessu sinni.  Menn virtust skemmta sér vel og er nokkuð ljóst að framhald verður á þessum mótum og stefnt að enn stærra móti á næsta ári.  Það var EAS sem gaf teiggjafirnar og kunnum við þeim bestu þakkir fyrir.

Keppnin var hörð og voru það feðgar sem skipuðu sér í 2 af þrem efstu sætunum.