Mark spáir í spilin

Liverpool hefur nú tapað helmingnum af þeim deildarleikjum sem liðið tapaði á síðasta keppnistímabili og það eftir einn leik. Ekki er það nú gæfulegt. Þetta gæti staðið upp úr eftir fyrsta leikinn en má ekki líka grípa til gamla máltækisins sem kveður á um að fall sé fararheill! Það er allt spurning um hvaða pól fólk vill taka í hæðina í lífinu. Sem sagt jákvæni eða neikvæðni. 

Vissulega var tapið á sunnudaginn mjög slæmt en það eru nú 37 deildarleikir eftir á þessu keppnistímabili! Skyldi ekki vera betra að líta þannig á stöðuna eftir fyrsta leik í stað þess að svekkja sig of mikið á tapleiknum?

Fróðleiksmolar...

- Liverpool vantar þrjú stig til að ná 5000 stigum í efstu deild. Ekkert lið hefur náð fleiri stigum í efstu deild.

- Liverpool tapaði aðeins tveimur deildarleikjum á síðustu leiktíð en nú hefur einn tapast nú þegar.

- Tapið gegn Tottenham var það fyrsta í ellefu deildarleikjum hjá Liverpool.

- Liverpool og Stoke gerðu jafntefli í báðum deildarleikjum sínum á síðasta keppnistímabili. Ekkert mark var skorað í leikjunum.

- Stoke var eina liðið sem Liverpool tókst ekki að skora mark hjá á síðustu sparktíð.   

  

Spá Mark Lawrenson

Liverpool v Stoke City 

Á köflum ríkti ringulreið í liði Liverpool gegn Tottenham. Slíkt er óvanalegt sð sjá og ég held að þetta sýni hversu mjög Xabi Alonso verður saknað. Á síðasta keppnistímabili hefði liðið náð jafntefli í svona leik. Núna verður liðið að vinna. Rafa Benítez var ósáttur við sómgæsluna á sunnudaginn en sannleikurinn var sá að Tottenham var betra liðið.

Stoke er erfitt heim að sækja en liðið er ekki jafn sterkt á útivöllum. Þar á bæ vita menn að allt sem gefst gegn toppliðunum er ábót.

Úrskurður: Liverpool v Stoke City 2:0.