Liverpool byrjar á White Hart Lane

Búið er að tilkynna niðurröðun leikja fyrir komandi tímabil í ensku Úrvalsdeildinni.  Sem fyrr byrjar Liverpool á útivelli og mun það vera í sjötta sinn í röð sem það gerist!

Tímabilið hefst þann 15. ágúst og hefur liðið tækifæri á því að hefna ófaranna eftir síðustu heimsókn á White Hart Lane en þar tapaði liðið sínum fyrsta leik á síðasta tímabili 2-1.  Þar skoraði Dirk Kuyt eina mark liðsins í leiknum.

Stoke City eru svo fyrsta liðið sem heimsækir Anfield á nýju tímabili fjórum dögum síðar og þar hefur liðið aftur harma að hefna en liðin gerðu 0-0 jafntefli á Anfield í fyrra.  22. ágúst koma svo Aston Villa menn í heimsókn.  Þann 29. ágúst heimsækir liðið svo Bolton Wanderers á Reebook völlinn.

Stærstu leikirnir eru að sjálfsögðu gegn hinum toppliðunum fjórum og nágrannaslagur við Everton.  Fyrsti stórleikurinn verður á Stamford Bridge 3. október og þann 24. koma Manchester United í heimsókn.  Fyrri nágrannaslagur tímabilsins er svo þann 28. nóvember á Goodison Park og Arsenal menn koma svo á Anfield þann 12. desember.

Um jólin er svo leikið við Úlfana á annan í jólum, þann 28. desember verða svo Villa menn heimsóttir á Villa Park.  Fyrsti leikur í deildinni á nýju ári er heimsókn Tottenham þann 9. janúar.

Þann 6. febrúar er svo komið að síðari nágrannaslagnum og þrem dögum síðar er leikið við Arsenal á Emirates.  Þann 20. mars er haldið á Old Trafford þar sem Liverpool menn eiga góðar minningar frá síðasta tímabili.  1. maí koma svo Chelsea menn í heimsókn en það er næstsíðasti leikur tímabilsins, síðasti leikurinn er gegn Hull á útivelli þann 9. maí.

Hér að neðan er leikjadagskráin í heild sinni

Ágúst 
15 - Tottenham Ú
19 - Stoke H
22 - Aston Villa H
29 - Bolton Ú


September
12 - Burnley H
19 - West Ham Ú
26 - Hull H


Október
3 - Chelsea Ú
17 - Sunderland Ú
24 - Man Utd H
31 - Fulham Ú


Nóvember
7 - Birmingham H
21 - Man City H
28 - Everton Ú


Desember
5 - Blackburn Ú
12 - Arsenal H
16 - Wigan H
19 - Portsmouth Ú
26 - Wolverhampton H
28 - Aston Villa Ú
 
Janúar
9 - Tottenham H
16 - Stoke Ú
26 - Wolverhampton Ú
30 - Bolton H


Febrúar
6 - Everton H
9 - Arsenal Ú
20 - Man City Ú
27 - Blackburn H


Mars
6 - Wigan Ú
13 - Portsmouth H
20 - Man Utd Ú
27 - Sunderland H


Apríl
3 - Birmingham Ú
10 - Fulham H
17 - West Ham H
24 - Burnley Ú


Maí
1 - Chelsea H
9 - Hull Ú

Einhverjar af þessum dagsetningum koma til með að breytast því einhverjir leikir verða færðir til vegna beinnar útsendingar í sjónvarpi.