Kenny Dalglish heldur í vonina!

Kenny Dalglish heldur í vonina um að Liverpool vinni enska meistaratitilinn. Hann er nú farinn að halda með alls konar liðum! Á morgun mun hann til dæmis styðja Middlesbrough í níutíu mínútur eða svo. Líklega munu stuðningsmenn Livrerpool gera það sem einn maður!

"Við erum því miður í þeirri stöðu að þurfa að treysta á að einhver önnur lið geri okkur greiða. Maður er allt í einu farinn að halda með öllum þeim liðum sem Manchester United keppir við."

Kenny mun, sem fyrr segir, styðja Middlesborugh á morgun þegar Boro leikur gegn Manchester United. En svo fer allt í venjulegt horf á sunnudaginn þegar Liverpool mætir Newcastle United. Þá heldur Kenny auðvitað með Liverpool!
 
"Fergie sagðist ætla að gera allt upp í átta breytingar á liðinu sínu um helgina. Það þýðir þó ekki að liðið sem hann sendir til leiks verði eitthvað lélegt en kannski gera breytingarnar það að verkum að leikmenn Middlesborough verði svolítið brattari. En Liverpool græðir ekkert á því að Middlesborough muni mögulega ná hagstæðum úrslitum nema þeir vinni sjálfir sinn leik á sunnudaginn. En þeir vita að minnsta kosti nákvæmlega hvernig þeir standa þegar leikur þeirra hefst og ég er viss um að hjálp frá Middlesborough muni færa liðinu aukinn kraft á sunnudaginn."