Steven og Fernando valdir í úrvalslið

Undanfarin ár hefur farið fram val á liði ársins og leikmanni ársins af FifPro. Atvinnuknattspyrnumenn um allan heim taka þátt í kjörinu og munu rúmlega 57.500 hafa kosið.

Tveir leikmenn Liverpool eru í liði ársins að þessu sinni. Þetta eru þeir Fernando Torres og Steven Gerrard. Þetta er ekki í fyrsta sinn sem þeir félagar eru valdir í úrvalslið á þessu ári. Þeir voru líka valdir í úrvalslið atvinnumanna á Englandi í vor. Steven hefur áður verið valinn í úrvalslið þetta.

Hérna er úrvalslið FifPro 2008:

Markmaður: Iker Casillas (Spáni/Real Madrid)

Varnarmenn: Sergio Ramos (Spáni/Real Madrid); John Terry (Englandi/Chelsea); Carles Puyol (Spáni/ Barcelona); Rio Ferdinand (Englandi/Manchester United).

Miðvallarleikmenn: Steven Gerrard (Englandi/Liverpool); Xavi (Spáni/Barcelona); Kaka (Brasilíu/AC Milan).

Framherjar: Lionel Messi (Argentínu/Barcelona); Fernando Torres (Spáni/Liverpool); Cristiano Ronaldo (Portúgal/Manchester United).

Evrópumeistarar Spánverja eiga flesta leikmenn í úrvalsliðinu eða fimm talsins.

Portúgalinn Cristiano Ronaldo var valinn Fifpro leikmaður ársins 2008.