Dossena er stoltur af áhuga Liverpool

Andrea Dossena, Ítalski varnarmaðurinn sem gæti verið á leiðinni til Liverpool á næstu dögum, segir að félagsskipti til Liverpool séu freistandi og að hann vilji gjarnan leika í Meistaradeild Evrópu.

"Liverpool er frægt lið og það er gott að vera orðaður við það. Ég vil leika í Meistaradeildinni og Liverpool er lið sem að hefur unnið keppnina og komist oft langt í keppninni. Þetta er eitt frægasta félagið í Evrópu. Í Englandi tel ég Liverpool og Manchester United jöfn - Liverpool getur keppt við þá." sagði Dossena.

Liverpool og Udinese hafa átt í viðræðum um kaupverðið á Andrea. Liverpool er sagt aðeins vera tilbúið að borga sex milljónir punda í hann en Udinese vilji fá átta milljónir punda, og eftir að Juventus og Fiorentina fóru að sýna honum áhuga þá verður Liverpool líklegast að hækka tilboð sitt.

Andrea hefur spilað einn landsleik fyrir Ítalíu en hann var ekki valinn í landsliðhópinn fyrir Evrópukeppni landsliða. Hann leikur í stöðu vinstri bakvarðar.