Króati hafnar Liverpool

Króatinn Domagoj Vida sem að leikur með Osijek í heimalandi sínu hefur hafnað tækifæri á að ganga til liðs við Liverpool en þessu var greint frá í morgun. Umboðsmaður hans Ivan Cvejetkovic hafði þetta um málið að segja:

"Ég var stoltur af Domagoj Vida. Hann er þakklátur fyrir boðið en hann telur betra fyrir sig að hann muni halda áfram að byggja sig upp og njóta gæða sinna í Króatíu í stað þess að sitja á bekknum hjá Liverpool."

Vida sem er átján ára gamall miðjumaður og er í undir 21 árs landsliði Króatíu, lék sinn fyrsta leik með aðalliði Osijek sautján ára gamall og þykir hann vera einn efnilegasti leikmaður Króata. Talið er að Rafael Benítez var tilbúinn að bjóða 400 þúsund sterlingspund til að freista þess að fá Vida á Anfield.

Ekki hefur komið fram að Liverpool hafi sent opinbert tilboð í Vida aðeins spurst fyrir um hann, og telur umboðsmaður Vida ekki líklegt að af félagsskiptunum verður, allavega ekki á næstunni.

Myndin er af Vida og liðsfélaga hans hjá Osijek, Vida er sá ljóshærði.