Rafael ber mikla virðingu fyrir Capello

Ítalski framkvæmdastjórinn Fabio Capello mun væntanlega taka við stjórn enska landsliðsins á allra næstu dögum og eru margir mjög hlynntir því að hann muni taka við liðinu. Rafael Benítez segist bera mikla virðingu fyrir honum og telur hann vera einn besta framkvæmdastjórann í heiminum.

"Ég þekki hann, hann er frábær framkvæmdastjóri. En þegar öllu er á botnin hvolft þá veit ég ekki hvort að hann muni verða landsliðsþjálfari Englands, hann mun þurfa tíma. Ég er ekki í þeirri stöðu að ég geti sagt að hann sé rétti maðurinn eða ekki, en hann er frábær framkvæmdastjóri það er bara svo einfalt."

Fabio Capello var mikið orðaður sem eftirmaður Rafael Benítez þegar allt var talið vera í háalofti á Anfield vegna ósættis milli Rafaels og eigenda félagsins. Fabio Capello hefur stjórnað liðum eins og Real Madrid, Roma, AC Milan og Juventus með frábærum árangri.