Robert Bernard Fowler var alinn upp í Toxteth-hverfinu í Liverpool þar sem annar hver maður var atvinnulaus og varð óánægja íbúa hverfisins með ástandið það mikil að út brutust miklar götuóeirðir í æsku Fowler. Hann var harður stuðningsmaður Everton og gaf lítið fyrir markahrókinn Ian Rush sem raðaði inn mörkum fyrir erkifjendurna í Liverpool. Robbie var valinn í u-14 ára úrval skólaliða og vakti þar athygli Jim Aspinall, njósnara Liverpool. Hann var nú kominn í herbúðir Liverpool og liðið hrósaði happi að hafa komið auga á þennan stórefnilega pilt. Everton fylgdist einnig grannt með honum og vildi fá hann til að ganga til liðs við þá. Þegar Fowler var 14 ára lék hann nokkra leiki fyrir u-17 ára lið Everton en Fowler hafði þá eytt talsverðum tíma við æfingar og leiki hjá Liverpool og gert sig heimakominn þar og neitaði tilboði Everton: "Vissulega var ég aðdáandi Everton en ég var ekki heimskur. Ég vissi að Liverpool væri með betra lið þó að ég segði fólki að Everton væri með besta lið í heimi."
Robbie Fowler hefur margoft verið kallaður "besti markaskorari enskrar knattspyrnu" hefur ætíð átt sérstakan sess í hjörtum Liverpoolaðdáenda. Það má því með sanni segja að allt varð vitlaust í janúar 2006 þegar hann snéri tilbaka á Anfield eftir nokkra ára fjarveru fjarri heimahögum.