Liverpoolklúbburinn á Íslandi -

Daniel Sanchez Ayala

Fæðingardagur: 07.11.1990
Fæðingarstaður: Sevilla
Fyrri félög: Sevilla
Kaupverð: £0
Byrjaði / keyptur: 01.07.2007

Ayala kom frá spænska liðinu Seville fyrir leiktíðina 2007-2008 og var hann þá aðeins sextán ára gamall og þótti mikið efni. Þar áður hafði hann verið sjö ár hjá spænska liðinu.

Hann segist hafa ekki þurft að hugsa sig tvisvar um þegar Liverpool spurðist fyrir um hann: ”Ég hika ekki þegar ég komst að því að Liverpool hafði áhuga á mér. Ég vissi ekki mikið um borgina en ég vissi allt um félagið og sögu þess.”

Ayala hefur verið að berjast um stöðu í varaliðinu og spilaði hann stórt hlutverk í glæstri leiktíð liðsins tímabilið 2007-2008. Hann hefur verið að æfa með u17 ára landsliði Spánar.

Hann hóf undirbúningstímabilið á æfingum með aðalliðinu og mögulegt er að hann fái tækifæri til að láta ljós sitt skína sem eftirmaður Sami Hyypia hjá Liverpool.