Liverpool mætir Aston Villa

Í gærkvöldi kom í ljós að Liverpool mætir Aston Villa í úrslitaleik Unglingabikarkeppninnar. Úrslitaleikurinn fer fram seinna í þessum mánuði. 

Aston Villa komst í úrslitaleikinn með því að vinn 4:1 sigur á West Bromwich Albion. Liverpool tryggði sér sæti með því að vinna Ipswich Town 1:2 á útivelli.

Lengst af sögu þessarar keppni var leikið heima og að heiman í úrslitum. En fyrir nokkrum árum var sá háttur tekinn upp að leikið er á heimavelli annars liðsins. Þetta er furðulegt fyrirkomulag svo ekki sé meira sagt því það ætti að vera hægur vandi að finna hlutlausan völl til að spila á. Í ár fær Aston Villa heimaleik í úrslitum.