| Sf. Gutt

Ég yrði miður mín!


Reiknað er með að Georginio Wijnaldum yfirgefi Liverpool í sumar en þá rennur samningur hans við félagið út. Hollendingurinn segir að hann yrði miður sín ef svo færi að hann þyrfti að fara frá Liverpool.


,,Það yrði geysilega erfitt. Ég þyrfti að yfirgefa lið sem ég virkilega elska og félag sem mér líður vel mjög vel hjá. En maður myndi alveg vita hvers vegna svo þyrfti að fara ef til þess kæmi. Ég yrði miður mín ef ég gæti ekki haldið áfram að spila fyrir hönd þessa félags."


Georginio hefur verið lykilmaður í liði Liverpool frá því hann kom til félagsins frá Newcastle United 2016. Hann vill spila áfram með Liverpool en hefur ekki fengið ásættanlegt samningstilboð ef rétt er vitað. Það yrði eftirsjá af Georginio því hann er búinn að stnda sig frábærlega á ferli sínum með Liverpool. 

TIL BAKA
Nýlegar fréttir
Fleiri fréttir
Fréttageymslan