| Sf. Gutt

Spáð í spilin



Liverpool vs Brighton and Hove Albion

Liverpool hefur verið að braggast í síðustu leikjum eftir slæman kafla um jól og fram á nýja árið. Nú þarf að fylgja góðum úrslitum eftir. Bataferlið hófst í bikarleiknum við Manchester United og batinn hefur verið stöðugur í síðustu tveimur leikjum. Góðir sigrar í höfuðstaðnum hafa komið Liverpool í gang. Í það minnsta virðist svo vera.


Viðskipti gærdagsins þýða að Liverpool hefur nú tvo unga miðverði til viðbótar við þá Rhys Williams og Nathaniel Phillips. Allir þrír reyndustu miðverðir Liverpool sem lagt var upp með í þetta keppnistímabili eru komnir í sumarfrí. Það má alla vega mikið vera ef það breytist. Fabinho Tavarez og Jordan Henderson hafa bakkað af miðjunni til að spila sem miðverðir en reyndar er Brasilíumaðurinn meiddur. Það má telja mikið afrek að Liverpool sé í þessari stöðu í deildinni miðað við öll meiðslin sem hafa herjað á liðshópinn. 

Manchester liðin eru fyrir ofan Liverpool á þessum tímapunkti og Liverpool þarf að halda í við þau. Manchester City kemur í heimsókn til Liverpool á sunnudaginn og þess vegna verður Liverpool að vinna Brighton. Samt þýðir ekkert annað en að hugsa um einn leik í einu. Það er ekkert nýtt í því. Mávarnir unnu Tottenham í sínum síðasta leik og eru seigir á góðum degi. Jafntefli varð í fyrri leik liðanna en reyndar hefði Liverpool unnið þann leik ef sjónvarpsruglið hefði ekki komið til sögunnar á síðustu stundu. 



Liverpool vinnur Brighton annað kvöld en leikurinn gæti orðið erfiður. Liverpool nær samt 3:0 sigri. Mohamed Salah skorar tvö mörk og Divok Origi eitt. 

YNWA!


TIL BAKA
Nýlegar fréttir
Fleiri fréttir
Fréttageymslan