Tvöfalt afmæli

Það er tvöfalt afmæli hjá Liverpool. Báðir hafa átt stóran þátt í velgengni Liverpool, eru miklir vinir og samlandar. Um er að ræða þá Roberto Firmino og Alisson Becker.




Roberto Firmino fæddist í Maceió á austurströnd Brasilíu 2. október árið 1991. Hann er þar með orðinn 29 ára. Roberto kom frá Hoffenheim 2015 og eftir heldur rólega byrjun hefur hann vaxið upp í að vera lykilmaður í liði Liverpool.



Alisson Becker er fæddur í Novo Hamburgo í suðurhluta Brasilíu 2. október 1992. Hann er því orðinn 28 ára gamall. Hann kom til Liverpool frá Roma 2018 og er búinn að reynast frábærlega. Ekki er vafi á að hann er núna einn besti markmaður heims. 

Eins og áður segir eru þeir Roberto og Alisson miklir vinir. Svo skemmtilega vill til að þeir eru fæddir sama dag!