Þrír í landsliði Wales

Nú fer í hönd landsleikjahrota. Fjórir ungliðar Liverpool eru í landsliði Wales. Tveir eru í enska landsliðinu sem spilar á Íslandi.

Neco Williams var valinn í landslið Wales í fyrsta sinn. Tveir félagar hans Ben Woodburn sem er á mynd að ofan og Harry Wilson eru í hópnum. Bæði Ben og Harry eru methafar hjá Wales. Ben er yngsti markaskorari Wales og Harry yngsti leikmaður þjóðarinnar. Eins er í hópnum að finna Danny Ward fyrrum leikmann Liverpool sem er nú á mála hjá Leicester City. 


Trent Alexander-Arnold og Joe Gomez eru í enska landsliðshópnum fyrir landsleikinn við Ísland sem fer fram á Laugardalsvellinum á laugardaginn. Trent spilaði ekki æfingaleikina tvo með Liverpool og ekki heldur Skjaldarleikinn þar sem hann var að jafna sig af meiðslum. 


Þess má geta að Conor Coady, fyrirliði Wolverhampton Wanderes, var í fyrsta skipti valinn í enska landsliðið. Hann er fæddur í Liverpool og ólst upp hjá félaginu. Conor var seldur til Hudderfield Town 2014 og spilaði eina leiktíð þar. Áður hafði hann spilað eitt keppnistímabil í láni hjá Sheffield United. Hann er búinn að vera hjá Wolves frá 2015 og standa sig frábærlega. Conor spilaði tvo leiki með aðalliði Liverpool.