| Sf. Gutt

Niðurtalningin er hafin. 1. kapítuli



Það er alltaf góðs viti að hafa unnið sér þátttökurétt til að keppa um Góðgerðarskjöldinn sem nú heitir Samfélagsskjöldurinn. Sæti í þessum árlega opnunarleik leiktíðarinnar þýðir yfirleitt að á síðustu leiktíð hefur liðið okkar unnið til verðlauna eða að minnsta kosti náð góðum árangri í deildinni. Um árabil var Liverpool svo að segja árlegur gestur í leiknum. Sem dæmi um það má nefna að á sínum tíma lék Liverpool 13 sinnum um Góðgerðarskjöldinn á 16 árum.

Á sunnudaginn mætir Liverpool Manchester City í leiknum um Samfélagsskjöldinn á Wembley leikvanginum í London. Þó svo að Samfélagsskjöldurinn teljist ekki til stórtitla er alltaf gott að hefja leiktíðina með því að ná yfirráðarétt yfir gripnum.


Liverpool og Manchster City ganga á hólm á sunnudaginn og berjast um yfirráðarétt yfir Samfélagsskildinum. Það verður örugglega ekkert gefið eftir á sunnudaginn frekar en í rimmum liðanna síðustu árin. Það er því mikil spenna í loftinu í Liverpool og hjá stuðningsmönnum liðsins okkar hvar sem þeir eru til sjós og lands. Til að magna spennuna, hefst í dag, niðurtalning fyrir leikinn á Liverpool.is. Í niðurtalningunni verður margt til fróðleiks um leikinn og árangur Liverpool í honum í gegnum árin svo eitthvað sé nefnt.

+ Tilgangurinn með leiknum hefur alltaf verið að alfa tekna til góðgerðarstarfsemi og líknarmála.

+ Fyrst var keppt um Góðgerðarskjöldinn árið 1908. Manchester United lagði þá Queens Park Rangers í aukaleik eftir jafntefli í fyrri leiknum. Aldrei hefur aftur verið leikið tvisvar um gripinn á sama árinu.

+ Árið 1912 léku Blackburn Rovers og Q.P.R um Skjöldinn. Blackburn vann 2:1. Ágóðinn af leiknum var 265 sterlingspund og fór til þeirra sem áttu um sárt að binda eftir að Titanic sökk.

+ Mismunandi reglur voru framan af árum um hvaða lið fengu þátttökurétt í leiknum. Til dæmis léku lið atvinnumanna gegn áhugamönnum í nokkur ár. Áhugamönnum vegnaði ekki vel í þessum leikjum! Oftast voru þó Englandsmeistarar hvers árs annað liðið sem boðið var þátttaka.

+ Nú um langt árabil hafa Englandsmeistarar og F.A. bikarmeistararnir jafnan leikið saman. Undantekning á þessu er þegar lið vinnur tvöfalt. Þegar svo ber undir leika tvöfaldir meistarar jafnan gegn því liði sem hafnaði í öðru sæti í deildinni.

+ Svo er nú því Manchester City vann bæði deild og bikar á síðasta keppnistímabili. Reyndar vann liðið Þrennu sem aldrei hefur áður unnist á Englandi. City vann deildina, FA bikarinn og Deildarbikarinn. Svo er City Skjaldarhafi eftir að hafa unnið Chelsea í síðasta Skjaldarleik. Það hefur aldrei áður verið afrekað í ensku knattspyrnunni að vinna alla þessa titla á sama keppnistímabilinu.

+ Liverpool fékk sæti í Skjaldarleiknum þar sem liðið varð í öðru sæti í deildinni í vor. 

+ Skjaldarleikurinn á sunnudaginn verður sá 97. í röðinni.


+ Liverpool leikur um Skjöldinn í fyrsta sinn frá 2006 en þá vann liðið Chelsea 2:1 á Árþúsundaleikvanginum í Cardiff.



+ Lengi vel var leikurinn leikinn á mismunandi völlum en þó oftast á heimavelli annars liðsins. Árið 1974 fór leikurinn fyrst fram á Wembley. Liverpool og Leeds United léku þá saman. Liðin skildu jöfn 1:1 en Liverpool vann 6:5 í vítaspyrnukeppni. Það var í fyrsta sinn sem úrslit voru útkljáð í vítaspyrnukeppni.

+ Ef lið skilja jöfn eftir 90 mínútur fer fram vítaspyrnukeppni. Ekki er framlengt og sigurvegarinn í vítaspyrnukeppninni varðveitir Skjöldinn næsta árið.


+ Liverpool hefur leikið 21 sinnum leikið um Skjöldinn og leikurinn gegn Manchester City verður 22. leikur liðsins um þennan merka grip.


TIL BAKA
Nýlegar fréttir
Fleiri fréttir
Fréttageymslan