Fyrrum þjálfari orðinn landsliðsþjálfari

Steve Clarke fyrrum þjálfari Liverpool er orðinn landsliðsþjálfari Skotlands. Steve tók við skoska landsliðinu í maí og gildir samningur hans til 2022. 

Steve var ráðinn þjálfari Liverpool þegar Kenny Dalglish tók við sem framkvæmdastjóri af Roy Hodgson í janúar 2011. Hann vann hjá Liverpool þar til Kenny hætti sem framkvæmdastjóri í maí 2012. Hann var seinna stjóri hjá WBA, Reading og síðast hjá Kilmarnock í Skotlandi. 


Steve, sem spilaði með St Mirren og Chelsea, var áður skoskur landsliðsmaður og lék sex landsleiki. Steve bíður mikil vinna því skoska landsliðið hefur ekki verið sterkt síðustu árin.