| Sf. Gutt

Divock Origi gengur illa

Divock Origi hefur gengið heldur illa hjá Wolfsburg á leiktíðinni. Hann byrjaði reyndar nokkuð vel og skoraði svolítið til að byrja með. Alls hefur Belginn skorað fimm mörk í 26 leikjum. Núna um helgina tapaði  Wolfsburg 0:3 heima fyrir Hoffenheim og var Divock skipt af velli fyrir hálfleik!

Óvíst er um framtíð Divock eins og sakir standa. Fyrr á leiktíðinni sagðist hann vel getað hugsað sér að vera áfram hjá þýska liðinu, sem er meðal neðstu liða, en nú er kannski hvorki áhugi hjá honum eða félaginu á lengri dvöl þar.

Heimsmeistarakeppnin í knattspyrnu fer fram í sumar og Divock vill að sjálfsögðu komast í landslið Belga. Til þess þarf hann að standa sig vel hjá félagsliði sínu. Divock hefur spilað 77 leiki með Liverpool og skorað 21 mark. Hann spilaði einn leik á þessari leiktíð áður en hann var lánaður til Wolfsburg. 

TIL BAKA
Nýlegar fréttir
Fleiri fréttir
Fréttageymslan