Ætlum okkur áfram!

Liverpool og Everton mætast í FA bikarnum á Anfield í kvöld. Jürgen Klopp, framkvæmdastjóri Liverpool, segir að stefnan sé að tefla fram sterku liði og komast áfram í keppninni og helst vinna hana!

,,Liðsuppstillingin okkar mun sýna að við berum virðingu fyrir FA bikarnum. Einhverjir telja að ég beri ekki virðingu fyrir bikarkeppnunum en það er einfaldlega ekki rétt. Við þurfum bara kannski að láta þá virðingu sjást betur!"

Líklega á Jürgen við að virðingin þurfi að endursplegast í liðsuppstillingunni. 

,,Þetta er mikið tækifæri, við erum einbeittir og viljum komast áfram. Mikilvægið í þessu öllu fer ekkert á milli mála. En mótherjarnir hafa svipuð markmið og við verðum að bera virðingu fyrir því. Það er svolítil óvirðing falin i því að tala um að vinna eitthvað áður en leikurinn hefst. Við vitum að leikurinn verður erfiður en hann verður það líka fyrir Everton. Kannski skiptir einmitt það mestu máli. Við munum gera allt sem í okkar valdi stendur til að komast í næstu umferð og það er það eina sem við erum að hugsa um!"

Það þarf að taka eitt skref í einu ef vinna á einhverja keppni. Liverpool getur tekið fyrsta skrefið að níunda sigrinu sínum í FA bikarnum í kvöld!