Tveir fyrrum leikmenn meistarar í Hollandi!

Hollensku deildarkeppninni lauk í gær. Feyenoord frá Rotterdam varð Hollandsmeistari í 15. sinn og í fyrsta skipti frá því 1998/99. Feyenorrd tryggði sér titilinn með því að vinna Heracles Almelo 3:1 á heimavelli. Dirk Kuyt fyrrum leikmaður Liverpool gerði sér lítið fyrir og skoraði þrennu og tryggði þar með meistaratitilinn. Eins venjulega skilaði Dirk sínum skerf af mörkum á leiktíðinni. Allt gekk af göflunum hjá stuðningsmönnum Feyenoord þegar titillinn var í höfn enda býsna langt liðið frá þeim síðasta. Þess má geta að Jerzy Dudek fyrrum leikmaður Liverpool rétti Dirk meistaraskjöldinn. Jerzy var í síðasta meistaraliði Feyenoord!

Með meistaratitlinum rættist draumur Dirk Kuyt um að verða meistari með liðinu sem hann lék áður með á árunum 2003 til 2006 áður en hann fór til Liverpool. Á síðastu leiktíð varð Feyenoord bikarmeistari. Hann hefur því unnið báða stórtitlana í Hollandi eftir að hann sneri aftur heim eftir að hafa spilað með Liverpool á Englandi og Fenerbahçe  í Tyrklandi. Dirk hóf feril sinn með Utrecht. 



Brad Jones hefur staðið í marki Feyenoord á leiktíðinni en hann kom þangað síðasta sumar. Hann er búinn að spila með Bradford og NEC í Hollandi frá því hann fór frá Liverpool 2015. Brad stóð sig mjög vel í marki Feyenoord og hélt 17 sinnum hreinu. Vel gert hjá Ástralanum. 

Það er óhætt að óska þeim Brad og Dirk til hamingju með árangurinn.