| Grétar Magnússon

Þriðja umferð ensku bikarkeppninnar

Liverpool mætir Plymouth Argyle í næstu umferð ensku bikarkeppninnar en liðið sló út Newport County í endurteknum leik á miðvikudagskvöldið.

Leikurinn fer fram sunnudaginn 8. janúar klukkan 13:30 og verður í beinni útsendingu í sjónvarpi.  Plymouth þurfti að hafa fyrir því að komast í þriðju umferðina, þeir eru á toppnum í League Two sem er neðsta atvinnumannadeildin í Englandi, þar mættu þeir botnliði deildarinnar Newport County á heimavelli Newport og þurfti að framlengja leikinn eftir að markalaust var eftir venjulegan leiktíma.  Í fyrri hálfleik framlengingarinnar fengu Plymouth vítaspyrnu sem þeir misnotuðu en í seinni hálfleiknum fengu þeir aðra vítaspyrnu sem þeir nýttu og tryggðu sér þar með 0-1 sigur.

Liverpool og Plymouth hafa ekki mæst oft í sögunni en síðasti leikur þessara liða var árið 1962 þegar 3-2 sigur vannst í hörkuleik þar sem Roger Hunt skoraði sigurmarkið.


TIL BAKA
Nýlegar fréttir
Fleiri fréttir
Fréttageymslan