Hvatt til stillingar!

Það er ekkert gefið eftir þegar Liverpool og Manchester United leiða saman hesta sína. Hvorki innan vallar né utan. Gríðarleg stemmning var þegar liðin mættust í mikilli Englandsrimmu í Evrópudeildinni á síðustu leiktíð. Stuðningsmenn liðanna létu sitt ekki eftir liggja en því miður bar nokkuð á níðsöngvum og skeytasendsendingum sem ekki áttu heima. Var mikið rætt um þetta og bæði félög voru sektuð af Knattspyrnusambandi Evrópu eftir leikina. 


Nú mætast liðin á Anfield á mánudagskvöldið og forráðamenn liðanna hafa tekið saman höndum um að hvetja stuðningsmenn sína til að láta af grófustu níðsöngvunum. Þetta er til fyrirmyndar og vonandi taka stuðningsmenn liðanna þetta til sín og nýta krafta sína í að hvetja sín lið án þess að syngja níð með vísan í mestu harmleiki í sögu félaganna!