| Grétar Magnússon

Emre Can byrjaður að æfa !

Gleðifréttir bárust úr herbúðum félagsins í gær þegar Emre Can sneri óvænt aftur til æfinga með liðsfélögum sínum.  Talið var að hann myndi ekki spila aftur á tímabilinu eftir að hafa meitt sig á ökkla í seinni leiknum gegn Dortmund.

Liðbönd í ökkla sködduðust og Can yfirgaf Anfield á hækjum síðar um kvöldið.  Það kom því fáum á óvart þegar fréttir bárust af því að hann myndi líklega ekki ná að spila aftur á tímabilinu enda ekki margir leikir eftir þegar Can meiddist.

Þjóðverjinn hefur hinsvegar náð ótrúlegum bata og sneri aftur til æfinga í gær og æfði með þeim leikmönnum sem ekki byrjuðu leikinn gegn Swansea á sunnudaginn var.  Það er því allt eins líklegt að hann verði klár í slaginn á fimmtudaginn kemur í stærsta leik liðsins á tímabilinu til þessa.

Okkar menn þurfa að snúa við 1-0 tapi gegn Villarreal á vonandi mögnuðu Evrópukvöldi á Anfield og það myndi klárlega ekki vera verra ef Emre Can gæti byrjaði leikinn á miðjunni, nógu þunnskipuð er hún fyrir.


TIL BAKA
Nýlegar fréttir
Fleiri fréttir
Fréttageymslan