| Sf. Gutt

Mikil vinna að skila sér!


Divock Origi skoraði tvö mörk í gær eftir að hann kom i á sem varamaður á móti Stoke City. Hann hefur nú skorað þrjú mörk í síðustu tveimur leikjum. Belgíski strákurinn segir að hann hafi lagt mjög hart að sér síðustu vikurnar og sú vinna sé nú að skila sér. Hann hafði meðal annars þetta að segja eftir að hafa skora tvö mörk á móti Stoke í 4:1 sigri. 

,,Ég hef lagt hart að mér og sú vinna er að skila sér. Ég reyni bara að hjálpa liðinu eins mikið og ég mögulega get og njóta þess sem er að gerast. Þetta er alveg magnað og ég er mjg ánægður."

Divock gekk illa framan af leiktíðinni og margir töldu hann ekki upp á marga fiska. Það var ekki fyrr en Jürgen Klopp tók við að hann fór að fóta sig og setja mark sitt á leiki. 

,,Hann hefði alltaf trú á mér og hann hefur líka trú á liðshópnum. Ég fæ aukið sjálfstraust þegar ég er kominn út á völlinn og ég reyni bara að spila eins og mér er eðlilegt og njóta þess að vera með. Ég er mjög ánægður með að mér tókst að skora aftur í dag. Mér líður mjög vel í dag og mér líst vel á framtíðina hvernig svo sem þjálfarinn vill nota mig. Ég verð alltaf tilbúinn í slaginn."

,,Það er frábært að spila á Anfield fyrir framan The Kop. Ekkert slær út tilfinninguna sem fylgir því að skora. Ég er mjög ánægður fyrir hönd allra og þetta eru sannarlega góðar stundir sem ég er núna að upplifa á ferli mínum."


Divock Origi hefur nú skorað þrjú mörk í síðustu tveimur leikjum en hann skoraði gríðarlega mikilvægt mark í 1:1 jafntefli í Dortmund í síðustu viku. Belginn hefur nú skorað átta mörk það sem af er leiktíðar og hver veit nema hann eigi eftir að bæta við áður en henni lýkur. 


TIL BAKA
Nýlegar fréttir
Fleiri fréttir
Fréttageymslan