| Sf. Gutt

Harry Wilson lánaður


Liverpool hefur lánað einn efnilegasta leikmann sem nú er í röðum félagsins. Um er að ræða Veilsverjann Harry Wilson. Hann mun spila með Crewe Alexandra þar til í janúar. Crewe spilar í þriðju efstu deild. Harry spilar oftast sem vinstri útherji og fór með aðalliðshópnum í æfingaferðina til Asíu og Ástralíu í sumar. 


Harry lék sinn fyrsta landsleik fyrir Wales fyrir tveimur árum og varð þá yngsti landsliðsmaður í sögu Wales. Hann var aðeins 16 ára og 208 daga gamall þegar hann spilaði með Wales gegn Belgíu. Harry hefur ekki enn komið við sögu hjá aðalliði Liverpool en miklar vonir eru bundnar við hann. 


TIL BAKA
Nýlegar fréttir
Fleiri fréttir
Fréttageymslan