Sýnir hversu stórt félagið er!

Æfingaferð Liverpool til Ástralíu og Asíu er lokið. Nokkrir nýliða Liverpool fóru í ferðina og spiluðu fyrir framan fjölda áhorfenda á hinum og þessum leikvöngum í þremur löndum.

Einn nýliðanna, Nathaniel Clyne, segir magnaðar móttökur og góða aðsókn á leikjum sýna hversu stórt félag Liverpool er. Sérstaklega þótti honum magnað þegar fjöldi áhorfenda söng You´ll Never Walk Alone í Ástralíu. 

,,Það var gott að sjá alla með trefla og fána á lofti syngja sönginn sinn. Þetta var góð tilfinning. Það er frábært að sjá alla þessa stuðningsmenn í Ástralíu og öðrum löndum. Þetta sýnir hversu stórt félagið er."

Nathaniel þótti standa sig vel í æfingaferðinni og telja má næsta víst að hann spili sem hægri bakvörður á komandi leiktíð. Vonandi gengur honum vel!