| Heimir Eyvindarson

Milner skrifar undir

Rétt í þessu var það staðfest að James Milner gengur til liðs við Liverpool þann 1. júlí, þegar samningur hans við Manchester City rennur út. 

James Milner er 29 ára enskur landsliðsmaður. Hann hefur leikið 53 landsleiki fyrir Englendinga og býr yfir mikilli reynslu. Hann var hjá Manchester City í fimm ár og vann ensku deildina tvisvar með liðinu, auk þess sem hann náði að handleika bæði FA bikarinn og deildabikarinn. Þar áður var hann samningsbundinn Leeds, Newcastle og Aston Villa.

Þess má geta að á ferli sínum hefur Milner alls mætt Liverpool 24 sinnum.

Við bjóðum James Milner hjartanlega velkominn í raðir Liverpool. 
TIL BAKA
Nýlegar fréttir
Fleiri fréttir
Fréttageymslan