| Sf. Gutt

Jordan Ibe kominn heim

Í fyrradag var staðfest að Liverpool hefði kallað Jordan Ibe heim úr láni. Hann var í byrjun leiktíðar lánaður til Derby County. Það hefur legið í loftinu upp á síðkastið að Brendan Rodgers væri með það í huga að kalla piltinn heim úr láninu enda þörf á að hressa upp á sóknarleik Liverpool. Það hefur nú verið gjört.

Jordan var mjög góður á undirbúningstímabilinu hjá Liverpool en samt var ákveðið að lána hann. Hann stóð sig með vel hjá Derby, var fastamaður í liðinu, skoraði nokkur mörk og lagði líka upp. Á síðustu leiktíð var Jordan í láni hjá Birmingham og þótti líka standa sig vel. Liverpool fékk Jordan frá Wycombe árið 2012.

Það verður gaman að sjá hvort Jordan fær einhver tækifæri í aðalliði Liverpool til vorins. Væntanlega hefur hann ekki verið kallaður heim til að vera með varaliðinu.


 
TIL BAKA
Nýlegar fréttir
Fleiri fréttir
Fréttageymslan