| Grétar Magnússon

Mikilvægur leikur framundan

Það er svo sannarlega mikilvægur leikur framundan í Meistaradeildinni á þriðjudagskvöldið þegar svissneska liðið Basel kemur í heimsókn í lokaleik riðlakeppninnar. Leikurinn verður að vinnast en Basel eru á góðu skriði.

Paulo Sousa og hans menn hafa unnið síðustu fimm leiki í deildinni, síðasti leikur þeirra var á laugardaginn gegn Lucerne og voru lokatölur 4-0. Í þessum fimm leikjum hafa þeir skorað 14 mörk og aðeins fengið á sig eitt.

Matias Delgado skoraði tvö mörk í leiknum en liðið er taplaust í síðustu níu leikjum en þessi tapleikur var einmitt gegn Real Madrid í síðustu umferð í Meistaradeildinni. Basel eru með átta stiga forystu í svissnesku úrvalsdeildinni og eru með tveim stigum meira en Liverpool fyrir lokaleikinn í riðlinum.

Eins og áður sagði dugir Liverpool því ekkert annað en sigur á þriðjudagskvöldið en ljóst er að við ramman reip verður að draga.


TIL BAKA
Nýlegar fréttir
Fleiri fréttir
Fréttageymslan